إعـــــــلان

Collapse
No announcement yet.

«دكاكين»

Collapse
X
 
  • Filter
  • الوقت
  • Show
Clear All
new posts

  • «دكاكين»


    فى حتتنا بيفتح كل يوم دكان ويمشى الحال

    ما بين حاتى وعجلاتى

    وأسطى سعاتى أو بقال

    وفيه جزار بنعتبره رجل أعمال

    وفيه تجار وبيتاجروا فى كل مجال

    من الإبرة لحد الشال

    وعم حسين بتاع الفول

    وعم أمين يبيع لينا

    كروت الشحن للمحمول

    وكله بيشقى وبيتعب

    عشان يكسب بقرش حلال

    ما فيش طماع

    فى حتتنا التجارة ضمير

    فى حتتنا ما حدش جاع

    عشان الدنيا لسه بخير

    فى حتتنا معانى كتير ما بنبعهاش

    حجات بنحسها وتتعاش

    فى حتتنا الحنان ببلاش

    فى حتتنا «ماليش دعوة» ما بنقولهاش

    فى حتتنا التجارة شطارة ومهارة

    ومش سِرقة

    فى حتتنا بنضمن حقنا بكلمة

    ولو حتى ما فيش ورقة

    فى حتتنا ما بنبعشى السما الزرقا

    ولا بنبيع خيوط الشمس فى قزايز

    فى حتتنا الفقير عمره ما قال عايز

    فى حتتنا الشكك جايز ومش ممنوع

    عشان الصبر لسه جميل

    ولو كان مر اكيد مش زى مر الجوع

    ولسه الرحمة فى قلوب البشر ينبوع

    بيروى الكل

    ويكفينا مرار الذل

    صباح الفل ع الدكاكين

    وع الشاريين وع السامعين صباح الفل

    يا ست الكل ضمينا وخبينا

    من الطمع إللى مش ممكن يخلينا

    نبيع عيشنا وعشرتنا فى حتتنا

  • #2
    صحيت ع السطور الحلوة والبسيطة
    شكرا لهذه الروعة




    إنْ كان قد عزّ في الدّنيا اللّقاءُ بكمْ .. في مَوْقِفِ الحَشرِ نَلقاكُمْ وَتَلْقُونَا

    Comment


    • #3
      شكرا شكرا
      ارق التحايا

      Comment


      • #4
        كالعادة يا ضؤ
        انا منبهرة لكلماتك
        فكرتنى بالايام الماضيه
        كنت ومازلت معطاء بلا حدود
        انتا فنان بجد ربنا يخليك
        تقبل تحياتى
        صعصع

        Comment


        • #5
          اشكرك لحضورك الرائع سيدتى
          ارق التحايا

          Comment

          Working...
          X