اضغط هنا لدخول الدردشة الكتابية
e عليه من Google Play

عودة   منتديات قمر مصر الابداع والتميز > >

الإسلامي العام ..~ بحب الله نلتقي

Tags H1 to H6

منتديات قمر مصر الابداع والتميز

يا عمى يا سيدى !!!

يا عمى يا سيدى !!!
إضافة رد
 
أدوات الموضوع طريقة العرض
#1  
قديم 07-10-2018, 05:32 PM
سيد الشامي غير متصل
لوني المفضل Cadetblue
 رقم العضوية : 253
 تاريخ التسجيل بالمنتدى : Oct 2017
 فترة الأقامة : 631 يوم
 أخر زيارة : 03-12-2019 (09:31 PM)
 مشاركات : 46,043 [ + ]
 السمعة : 10
 معدل التقييم : سيد الشامي على طريق التميز و النجاح
بيانات اضافيه [ + ]

اوسمتي

افتراضي يا عمى يا سيدى !!!



السلام عليكم ورحمة الله وبركاته
موقف بيحصل كتير اوي في حياتنا بأشكال وصور مختلفة
هنتخيل حوار بين اتنين ، عشان نعرف ايه هو الموقف ده

- الماتش الاسبوع اللي فات اللي كان في البرازيل كان
جامد ماهو جه في التليفزيون ماشفتوش؟

- يا عم انت بتتكلم في ايه ، ده انا رحت هناك بنفسي

- يا راجل؟ وقعدت بقى في المدرجات هناك كده في الاستاد؟؟
- ايوة يا ابني، امال ايه ، وسلمت كمان على الرئيس
- يااااه ، ده انت جامد بقى
- ايوة ماانا بقولك ، وبيسلم عليك كمان ، ماانا كلمته عنك ،
مااحنا اديناها سهاري بقى ، ماانت عارف بقالي كتير ماشفتوش

- ايوة ايوة ، انت هتقولي

كام مرة بنشوف مشاهد زي دي؟
بتبقى طبعا المفروض انها هزار يعني ويحكو قصص بقى وحواديت
عن حاجة ماحصلتش

ولو قلتله حاجة
يـــــا عـمــي يـاسـيــدي
انت بتبقى عايز تهزر
طب هو مفيش الا الكدب عشان تهزر؟؟
ما الرسول عليه الصلاة والسلام والصحابة ماهم كانوا بيضحكوا

بس ماكانوش بيكدبوا
امال احنا ليه منتشرة اوي عندنا الحكاية دي
يعني لما الواحد بيكدب بجد
اهو عالاقل بيبقى عارف انه بيكدب وبياخد ذنب فالمفروض
انه بيستغفر

لكن لما بقى كمااااان يبقى شايف انه بيهزر وان الموضوع عادي
دي مصـــــــــــــــيــبة
هتودي نفسك النااااااااااااار عشان تهزر مع اصحابك ويضحكوا معاك؟
للدرجة دي بقينا مستهونين بآخرتنا؟
و خلاص عااادي كده اننا نكدب ونقول عادي
كدبة بيضة ماهو احنا بنهزر
طيب هقولك على حاجة
هو ليه الكدب حرام؟

قبل ما تنزل كده فكر
اطلع باجابة لنفسك كده
حاول تستنتج ايه اللي بيحصل نتيجة الكدب

و اكتر واحد يحس بكده اللي عايش مع حد كداب
للاسف الشديد في آباء و امهات بتكدب
طيب اولادهم نفترض انهم هيطلعوا كويسين ومش هيكدبوا
كدب ابوه عليه ده هيسببله ايه؟
وهو شايف امه بتكدب ده بيأثر عليه في ايه؟
مفييييييييييييش ثقة
يا جماعة يبقى في ثقة ازاي يعني
هو بيقولك الحاجة وانت مش متأكد اذا كان الكلام ده
صح ولا هو بيكدب كالعادة

يعني في مشاكل بتحصل بسبب الكدب

و بتودي الدنيا في داهية

بس انا بتكلم عن الهزار بس
اللي بيكدب ويقول ماهو مش هيأثر على حد
بس بجد مش بيثق فيك اوي
يعني مش خلاص بقى الكلمة تطلع منك خلاص يبقى
متأكد من كلامك

لا
ده انت بتخلي عنده شك في كل كلمة انت بتقولها
وخلي بالك من حاجة
هتقولي لاااااااااا اصحابي مش كده
هم نفسهم مش بيبقوا واخدين بالهم
بس تيجي تقول حاجة

يقولك انت بتتكلم بجد
والله الكلام ده مظبوط؟
طب احلف
هتقولي لا مش مقتنع بالكلام ده
انا مش بيحصل معايا كده
طب خد دي
لسانك هيشهد عليك يوم القيامة
عاااااااااارفين

طيب واما احنا عارفين امال ايه اللي بيحصل
اللي بيحصل ده استهتار
بقينا كده عندنا فتور..وعااااادي لما نعمل حاجة حرام
دي حرام
ده انت هتاخد عليها ذنب
دي ممكن تدخلك النار
يــا عــمـــي

يــا ســـيـــدي
عود نفسك انك ماتكدبش مهما حصل
والله لو حصل ايه حتى انا مش هطلع كلمة غلط مني ابدااااااا
ده في ناس معروفين كده بالصدق

يقولك فلان قال كذا كذا
يقول بس خلاص

واحد يقول هو فلان ده بيكذب؟
يقوله اطلااااااااااقا
ده لو الناس كلها كذبت هو مش هيكذب ابدا
الله ..طيب ماتخليك زي الناس دي
سيدنا ابو بكر ايه؟
ابو بكر الصديق
معروف بصدقه لدرجة انه يتقال عليه الصديق
الله..ايه العظمة دي
ومسيلمة ايه
مسيلمة الكذاب
يااااااااااه
كذب وقال انه نبي زي سيدنا محمد فسموه مسيلمة الكذاب

طيب ماانت مش هتوصل لكده انك تدعي النبوة
بس انت ليه ماتاخدش سيدنا ابو بكر الصديق قدوة في حياتك
وتصدق في كل كلمة تقولها
سيدنا عمر بن الخطاب قال ايه؟
قال اذا كان الكذب قارب النجاة ، فالصدق شاطئ السلامة
اصدق لاننا كل اللي احنا بنعمله ده
عشان لما تروح لربنا تعرف تقابله
ولما تيجي تشوف حسناتك وسيئاتك ماتتصدمش
لان محدش هيبقى معاك يسلفك شوية حسنات
انت يوم النتيجة بتبقى عامل ازاي؟
طيب لما تعرف ان النتيجة ظهرت وانت بتفتح الموقع عشان
تجيبها بتبقى حالتك شكلها ايه؟

ولما تتصدم وتلاقيك شايل مادة بتعمل ايه؟
طيب ماانت اللي ماذاكرتش من الاول
كنت واخدها دلع
بتفضل تندم على كل دقيقة عدت عليك وماكنتش ذاكرت فيها
صح؟
واحد يقول: لا غلط عادي يعني فيها ايه لما اشيل مادة ولا اتنين
ماانا كل سنة بشيل مواد ،واديني عايش يعني ايه اللي حصل؟
يبقى انت لو عرفت تكبر دماغك في الدنيا
مش هتعرف تكبر دماغك في الاخرة
اختم بحديث
الرسول صلى الله عليه وسلم قال:
(أربع من كُنّ فيه ، كان منافقاً خالصاً ، ومن كانت فيه خَصلة منهنّ
، كانت فيه خَصلة من نفاق حتى يدعها: إذا اؤتمن خان ،
وإذا حدث كذب ، و إذا عاهد غدر ، و إذا خاصم فجر)
متفق عليه


اسأل الله ان يجعلنا صادقين في القول والعمل
</ul>
الفاارس ♕ معجب بهذا




رد مع اقتباس
إضافة رد


زوار هذا الموضوع الآن : 1 (0 عضو و 1 زائر)
 
أدوات الموضوع
طريقة العرض
عادي عادي

ضوابط المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : نشيط
كود [IMG] : نشيط
كود هتمل : خامل

الانتقال السريع


التوقيت حسب جرينتش . الساعة الآن 08:51 AM.


جميع الحقوق محفوظه لمنتديات قمر مصر
Powered by: vBulletin® Version 3.8.9 Beta 3 Copyright ©2000-2019, Jelsoft Enterprises Ltd.
Translated By ramez©2002-2019
new notificatio by 9adq_ala7sas
HêĽм √ 3.2 OPS BY: ! ωαнαм ! © 2011-2012
Search Engine Optimisation provided by DragonByte SEO (Lite) - vBulletin Mods & Addons Copyright © 2019 DragonByte Technologies Ltd.
 خواطر ليالي
الأحلام ديزاين قمر مصر