إعـــــــلان

Collapse
No announcement yet.

برا وجوه فرشتلك وانت مايل وايه يعدلك

Collapse
X
 
  • Filter
  • الوقت
  • Show
Clear All
new posts

  • برا وجوه فرشتلك وانت مايل وايه يعدلك


    ده عنوان موضوعنا انهارده
    عارفين المثل ده ولا لا
    ده بتقوله الست لجوزها لما تعمله حاجات كتييييير ويبص برا برضه

    طيب ممكن لحظة معايا تراجعى فيها نفسك يا موزة كدا

    ونشوف ايه اللى فرشتيه برا وجوه ده

    وهل فعلا فرشتيلوا كل حاجه صح ولا بيتهيألك والزهايمر اشتغل

    اكيد بتقولوا خلصي يلا وقولى المفيد

    حقول بس عاوزة كل واحده تقرا ترد باللى فيه النصيب




    المهم
    حنشوف سوا كدا ايه الحاجات اللى المفروض الزوجه تعملها مع زوجها عشان نعرف ايه اللى احنا مقصريين فيه


    لو عجبك الموضوع وناويه على الاصلاح
    ارفعى الموضوع برد ودعوه بالصلاح
    وفعى معايا شعار احنا اسفين يا صلاح
    ههههههههههههه




    كل اللى حقوله مش هجص ولا تاليف
    انا حقولكم على مواقف قابلتنى فى حياتى مع اهلى واصحابي وجيرانى
    اصل بيتنا ده بيت الامه

    هههههههههههه
    وياما شفت فيه
    عشان كدا بقيت عامله زى الست اللى عندها70 سنه من الهم اللى شيلته للناس اللى حواليا

    نكمل
    لازم يا حلوة بعد ما تخلصي الحمام تشدى السيفون وممكن تحطى جنرال كمان او اى شاور عشان لو فيه اى روايح تتغير وتخلى الراجل يدخل الحمام وهو نفسيته مرتاحه
    مش لازم يشرب القهوة على الريحه
    ههههههههههههههههههههههه

    ليه بقي يا حلويييييييين
    لانك كدا مفرشتيش فى الحمام
    ولان الستات اللى معاه فى الشغل بيدخلوا الحمام موزز ويطلعوا احلى ما دخلوا وريحه البرقيوم وراهم مصهلله فى المكان وهو طبعا يقول فى سيره اشمعنى فى البيت تيييييييييييييت
    مش حكمل عاوزاكى تتوقعى انتى اللى حيتقال

    يبقي فين اللى فرشتيه برا وجوه يا موزة

    نكمل يا حلوات يا قمرات
    خلصنا حضرنا الفطار ولا حينزل من غير فطار
    لو من النوع اللى مبيحبش يفطر
    عشان ميبقاش ليكى حجه
    كوب لبن او عصير او فاكهه
    ولا كلتيها كلها ونسيتى تسيبيله
    ههههههههههههههههه

    روحى بقي صحى جوزك
    وامانه عليكم كل واحده تفتكر كدا هى بتصحى جوزها ازززززززززززاى
    لانى متاكده ان الكل الا من رحم ربي بتعمل الاتى
    نشوف نفيسه بتصحي محمود ازاى ازاى

    بتقف على باب الشقه عشان تسمع الجيران
    وتنادى عليه

    يا محموووووووووووووووووووود
    اصحى بقي الساعه بقت 7
    انا حفضل كل يوم فى الهم ده
    مش كفايا عليا عيالك


    يلا فز قوم خلينى اخش اتخمدلى ساعتين عشان اعمل الطفح واخلص اللى ورايا
    مش كفايه خبتك وانت نايم جنبي زى سوسن
    يلا بقي فز من على السرير وتروح فاتحه الشباك وشدى الغطا والراجل واقع على الارض مدلوق

    هههههههههههههه

    ايه رايكم فى الحيوووووووووووار
    حيوار حيوار يعنى
    طب بزمتكم مش بيحصل

    وهنا حنشوف هريسه بتصحى جوزها ازى
    الراجل بيشوف بقي اللى برا ولا التليفزيون ولا صاحبه اللى بيحكيله
    واحده لابسه حاجه موزى كدا ريحتها رقيقه بتروح لحد السرير وتقعد جنب جوزها تلعب فى شعره ولا خده

    وتقوله بصوت واطى حبيبي يلا قوم كل ده نوم يا حبيبي
    يلا بقي عشان الحق اقعد معاك شويه قبل ما تنزل وتوحشنى

    مش حتصحى
    طيييييييييب





    فكرى كدا الصباح حيبقي عامل ازاى عند نفيسه وعند هريسه

    ها بتفرشي ازاى
    يا محمووووووووووووود
    ولا
    يا حبيبي يا بيبي يا حوده يا ابو العيال


    خلاص صحى وفطر
    حيلبس
    الحوار كالاتى
    نفيسه حتقول لجوزها اييييييييه
    الطقم الداخلى عندك فى الدولاب والشراب فى الدرج والبنطلون على الشماعه والقميص دور عليه مكان ما قلعت امبارح
    ماهو انا مش الشغاله اللى انت اشترتها وحيات تنت


    طيب الشراب مقطوع يا مدام
    مليش فيه هو انا اللى بلبسه
    طيب القميص وسخ يا مدام
    قضي بيه انهارده انا لسه حغسل يوم الخميس
    طيب البنطلون عاوز يتكوى يا هانم
    المكوى عندك على الشفونيره

    الجذمه فيييييييين يا ست
    فرده سودا وفرده بنى فين الفرد
    حتلاقيهم هنا ولا هنا يا اخويا عيالك كانوا بيلعبوا بيهم


    ارحمنى بقي هو انت مبتبطلش طلبات


    متعرفش تعتمد على نفسك
    هو انا لازم اعمل كل حاجه
    انا تعبت





    مين اللى تعب فى الموضوع

    مانتى ممكن تعملى حاجه تريحك من كل ده
    تحضري الطقم الداخلى مع بعضه وتوديه الحمام مع البرنس والفوطه
    وتكونى معلقه القميص مع البنطلوا المكويين النضافه على الشماعه ورا الباب والجزمه ورا باب الشقه والمفاتيح والموبايل والشنطه
    حيسال على ايه لو عملتى كدا

    نيجى بقي لبرا
    لو طلع وانتى موضبتيش الحاجه

    صاحبه فى الشغل جاى
    البنطلون ماشي مع لون القميص والكرافت والجزمه بربرق كدا
    والبرفان جايب اخر الشارع
    وهو مال يقول فى سيره عينى على حظى الفل



    وحسيبك تتخيلي برضه
    عاوزاكى تسرحى معايا كتير


    ممكن اساعدك فى التخيل لو تحبي
    حيقول الواحد المفروض يدلع نفسه كدا ويشوفلوا واحده تخلي بالها منه

    التانيه دى خليها للعيال كفايا عليها
    هو انا مليش نفس البس واتشيك كدا



    طيب جوز نفيسه رجع البيت قرر يغير نفسه
    لبسه هو وبقي بينسقه على زوقه وبيهتم بشعره والبرفان وميه ميه
    ماشي يا نفيسه
    انتى بقي بتقوليلوا ايه لما يلبس كدا
    اقولك رد فعل
    الله الله الله
    وده من ايه ده لابس ومتشيك وفاكر نفسك فشر مهند
    اكيد عاملك عامله
    وبعدين مش حلو اللى انت عامله ده
    عينى عليا كان نفسي اتجوز واحد حليوة شكل مهند



    لييييييييه
    الراجل مش عاوز كدا
    فيها ايه لو قلتيلوا
    الله يا حبيبي ايه العسل ده انا مش حسيبك تنزل كدا
    حيقول ليه طبعا

    تقولى عشان انت كدا حلو اوووووووى وحتتعاكس وانا عارفه انك بتخاف ربنا وعمرك ما تحب تعمل الحرام ولا نظرة ولو اتعاكست بقي حتعمل ايه وانت حلو كدا

    فيها ايه
    حتقولوا حيتغر فى نفسه


    مش مهم مانتى مش كل يوم على كدا لا مرة ومرة
    مرة بهزار ومرة بجد ومرة برومانسيه
    لانك لو مقلتيش حيلاقى اللى حتقوله اكتر من كدا
    الموزز اللى فى الدنيا كتير وبيقولوا كتير
    لما تقوليه انتى كدا وهى تيجى تقوله بعديكى حيبقي كلامها عادى وممكن يرد يقولها مراتى بتقول كدا برضه
    تبقي هى اتكبست وجوزك رجعلك وعارف انك حتقوليلوا اللى حيسمعوا واللى مش حيسمعوا


    تمام

    انا مش عاوزة احس انى مذيعه فى قناة الحصيرة والناس بتتفرج وتقلب المحطة لو سمحتم



    نكمل

    فى نقطه انا متكلمتش فيها كتير بس مهمه برضه
    قلت قبل ما اكمل
    وهى تحضير الفطار
    و تقديم الفطار او المشروب
    فى ستات كتير بحس منها باستخاف شديد لزوجها وتعامله انها بتعامل واحد بيشتغل عندها بالاجرة
    ههههههههههههه
    محدش يضحك ان بس اللى اضحك انا حرة هههههههههههه

    ازاى
    وليه بقول كدا
    اقولكم
    الراجل لما يطلب ميه يشرب
    تديلوا الازازة
    الكوز
    قوم اشرب
    طب لو ده ضيف عندك حتعملى ايه
    اكيد طبعا احلى كوبايه من اغلى نوع من النيش اللى مبيتفتحش وجبنا فيه اغلى حاجة وقطمنا ضهور اهلينا عشان نتفرج والناس تقول جابت
    المهم ده عاوزة قاعده النيش ده

    ليه بقي يا نفيسه متقدميش الميه لجوزك فى كوبايه حلوة كدا وتقوليله اتفضل
    ولما يخلص تقوليله هنيئا مريئا
    بالهنا والشفا

    ليه
    ليه الاهمال

    تانى حاجة العصير
    ليه بيقي الميه على الفاكهه فى الخلاط وكبى واديلوا فى ادي من غير صنيه تقديم حتى
    عندك قسم المطبخ اشكال والوان من العصاير وطرق التزيين

    الاكل
    طبق رز وطبق خضار ولو فيه سلطه او مخلل وكله ياكل على بعضه
    ليه العك
    لزمتها ايه ال5000 طبقي اللى اشترتيهم دول
    للضيوف

    جوزك لما بيروح بيوت قرايبوا واصحابه بيتعامل زى الضيوف
    ويقول ماشاء الله ست نضيفه ومنسقه وعندها زوق عالى مش مراتى اللى بتعمل وتخلى
    والله الراجل بيقول كدا كتير بس بروفيسيرة

    عاملى زوجك كانه ضيف
    احلى اكل وشرب وطريقه تقديم واسلوب

    لا وكمان
    لما تاكلى قدامه بقي يا نفيسه
    بلاش اللعب فى اسنانك بصوابعك
    والاصوات اللى بتصدر منك مش عاوزة افسر عن كدا
    بلاش تعملى حركات تقرف الراجل ويسد نفسه

    حنى عليه ووكليه فى بقه
    حضري الميه جنب الاكل والكوبايه
    حضري عصير بعد الاكل

    لو بيتفرج على التليفزيون شويه فشار
    ك الدرةب 5 ج
    نص ك منها يغرق كتير يغرقك
    هاتيه فى البيت
    هاتى فنكوش
    لب
    اى حاجه
    عشان لما يحب يتفرج على التليفزيون يلاقي القاعده مشجعه بدل ما يقول اخرج اروح القهوه ولا النادى


    انا سالت زوجى مرة
    قلتله فيه راجل مش بيحب الدلع
    قالى لا طبعا
    بس مش كل الرجالة بتعرف تعبر عن مشاعرها
    فى راجل بيعبر عن حبه بطريقه الغيره ويبس وطبعا مراته تتخنق
    وغفى بيعبر عن طريق الفلوس ومصاريف البيت مش مخليكى محتاجه حاجه
    انا ليا راى يمكن ميعجبش حد
    اهم دليل ان الراجل بيحب مراته وانه مقدر حبها هو انه ميخونهاش
    لان يوم ما يبص برا يبقي هي مش مداله حاجه وراح يدور عليها عند واحده تانيه
    ومش معنى كدا ان كل من خان مش بيحب لكن برضه اكيد فى حاجه ناقصه بينهم
    وعشان يعرفوها لازم يكون فى حوار دائم بينهم يفضفضوا ويتكلموا ويوصلوا لحلول وسط ترضي الطرفين




    دلوقتى خلاص فطر ولبس ونازل
    وهو نازل الشغل
    بينزل لوحده عادى كدا
    ولا بترصيله الطلبات اللى عاوزاها
    هات معاك 5 رز و5 مكرونه والزيت والسمنه واللى واللى
    وطبعا بعد كل اللى عملتيه فيه ده ما حيرضي يجيب حاجه
    وياعينى وهو نازلى على السلم يبص يلاى جاره لابس وشكله عسل كدا ومراته بتوصله لحد الباب بيقولها عاوزة حاجه قالتله اه عاوزة
    طيب عاوزة ايه
    انت مش ناسي حاجه
    فين بوستى
    اموووووووووووووووووووووووواه


    مع السلامه يا حبيبي حتوحشنى خلى باللك من نفسك ومتتاخرش عشان حتوحشنى اوى ربنا ييسرلك حالك وترجعلى بالسلامه


    هااااااااااااا ازيك بجي


    فين الفرش يا حجه

    راح الشغل واتصل عليكي لما سمع الكلام ده على السلم قال احاول معاها
    بتردى على التليفون ازااااااااااااى يا نفيسه
    الجرس رن
    ايييييييوة
    نعم
    نسيت حاجه
    لا يا حبيبتى
    اومال متصل ليه عاوز ايه
    لا مش عاوز انا قلت اصبح يا نفسيه
    تصبح على التليفون مش خساره الرصيد انت فايق ورايق وفلوسك ياما انا مش فاضيالك
    وهوباااااااااااا
    السكه اتقفلت

    يروح الراجل الشغل يلاقي صاحبه ابو ريحه حلوة وجذمه بربرق مراته بترن عليه تقول
    الووووووووووووو
    ايوة يا حبيبتى
    وحشتنى قلت اسمع صوتك
    انتىى الى وحشتينى اكتر يا هريسه
    انت وصلت المكتب بالسلامه
    ايوة الحمد لله السكه كانت متعبه وزحمه بي الحمد لله وصلت
    ياااااااااه ربنا يقويك
    اسيبك بقي تشوف شغلك يا بعلي
    ماشي هريستى
    اموووووووووواه
    ماشي مش عارف ارد عشان مزنوق
    هئ هئ هئ هييييي
    مع السلامه
    لا اله الا الله
    محمد رسول الله

    ويبص الناحيه التانيه يلاقى زميلته
    مش حنقول لابسه نضيف وانيقه واخر شياكه وادب واحترام ووشها فى الارض
    ومش حقول جوزك بصلها وقال معايا واحد صاحبى فى البيت
    ومش حقول بيبصلها من ورى الورق اللى ماسكه وعمال يبص على قوامها الممشوق وعودها المظبوط ويقول معايا فى البيت اخطبوط
    مش حقول ده كله لانى عارفه ان جوزك راجل محترم وبيتقى الله ومش فى طبع الخيانه

    انما حقول حيشوفهاا وهى بترد على جوزها اللى اتصل يطلب منها حاجه
    الو السلام عليكم
    وعليكم السلام
    ازيك يا زوجى
    الحمد لله
    انت صحيت من النوم دانا كنت بلبس بالراحه عشام متقلقش وانا ماشيه
    لا يا سوسو انتى مقلقتنيش بس كنت عاوز منك كذا
    انت تؤمر يا زوجى من عنيا
    بس كدا
    ايوة طيب حنتظرك تعدى عليا عشان نتغدى سوا
    ان شاء الله
    تسلمى يا غالى فى رعايه الله
    مع السلامه

    الراجل اتحوووووووووووول
    وقال انا لله وانا اليه راجعوووووووووووون





    اظن كفايه عليكم كدا انهارده ختوا جرعه مكثفه


    وصلنا لفييييين وصلنا لفين
    اه
    لحد ما راح الشغل واتقهر
    ههههههههههههههه

    طبعا بعد اللى حصل عمرك اصلا انتى ما حتفكرى تتصلي تقوليه وحشتنى ولا هو حيفكر يكلمك تانى
    بس الصح مكالمه خفيف اوى تطمنى عليه وانتى اللى تقفليها


    المهم


    رجع الراجل البيت
    انتى فين وهو راجع
    طبعا فى المطبخ
    ريحتك توم وبصل وبطاطس وطماطم وسمك
    وشعرك منكوش لانك لما صحيتى الصبح انا مقلتش سرحيه
    يبقي ازاى تسرحيه وانا مقولتش هههههههههههههه

    ررن الباب
    فتحتى
    انت جيييييت

    لا انا مجتش ده خيالي باعته يقضى واجب الزوجيه
    طيب
    الغدا خلص
    لا لسه
    خدلك حته جبنه من التلاجه واعملك سندوتش
    ولا اقولك استنى شويه

    شويه
    حطيتى الغدا ليه لوحده
    طيب مش حتاكلى معايا
    لا كل انت
    طب تعالى اقعد افتحى نفسي
    انا ورايا مواعين وغسيل ومسح ومزاكرة عيال
    مانت مش شايل هم حاجه
    كل كل


    ياكل الراجل ويدخل ينام
    يلاقى العيال عمالين يتخانقوا
    والتليفون يرن تتكلمى فيه بالساعه تحكى تفاصيل اليوم من ساعت ما قلتى يا محموووووووووووووود لحد ما محمود اتخمد

    وصوتك طبعا مسمع الشارع التانى وهو مش عارف ينام

    بصراحه متغاظة اوى ومش عارفه اتكلم عشان فى 100 غلطه فى اللى فات

    طب ايه رايكم نعمل مسابقه على اللى تطلع اكتر اخطاء
    هههههههههههههههه
    والجايزة الكبرى







    أقول انا الاخطاء

    1/ ازاى تقوله انت جيت اولا لازم تقوله حمدالله على السلامه ياحبيبى ولو مخلصتشى الاكل انا اسفه ياحبيبى شويه وهيكون الاكل جاهز


    2/ هدومه تكون محضراها تقوله انا محضرالك البجامه اجى اظبطلك حاجه

    3/ بصل ايه وتوم ايه ما انا بطبخ فى البيت والبصل مش بيوصل ايدى سواء فى جوانتى او لأ فى تقطيعه حلوه اتعلمتها من شيف بستعمل فيها صابعين اتنين ووقت ما يتعسلو ريحة البصل راحت

    3/ بالنسبه لشعرى دايما أما بصحى من النوم اول حاجه بعملها بمشط شعرى اهو احتياطى يمكن حد ييجى من قرايبنا وانا بظبط البيت كذلك زوجى لو جه وشعرى مثلا يبقى شعرى على الاصل متناسق وشكله حلو ومنها برضه بحافظ على شعرى

    4/ طبعا هو لازم انها تكون مخلصه الاكل ومظبطه نفسها قبل ما ييجى بس انا بتكلم فى اضعف الاحوال ان حصلت ظروف ولا حاجه
    طيب انتى جهزتى الاكل كملى جميلك وظبطيه على السفره ولا طرابيزة الاكل بشكل كويس والمفروض ان اليوم اللى تتأخرى فيه عن تجهيز الاكل تجرى تجيبى شمعتين تحطيهم على الطرابيزه اهو يفتح نفسه

    5/ لو انتى بقى منهم اللى بياكلو نص الاكل وبيشبعو وهم بيعملوه يبقى برضه لازم تقعدى معاه لو هتعملى حركه رومانسيه تقعدى وتبصيله هو يقولك بتبصيلى كده كلى قوليله اصل انت وحشنى وانا لما شوفتك شبعت

    6/ العيال لما يتخانقو حاولى انتى تقفلى باب الاوضه عليه طالما نايم دا بيتعب وبيشتغل وانتى امسكى العيال دخليهم الاوضه واطحنيهم هههههههههههههه بهزر طبعا قوللهم بابا نايم وهم هيسكتو

    7/ هتتكلمى فى التليفون يبقى بلاش تجيبى اسرار بيتك مينفعشى خالص ولو حبيتى تتكلمى قولى دا نايم وانتى عامله ايه وبلاش بلاش بلاش بالله عليكى لو حتى اتخانقتى تقولى لحد انك اتخانقتى ولا زعلتى كل ده هييجى عليكى فى الاخر

    8/ صووووووووووووتك ميعلاش خااااااااالص لو حتى بتتخانقى يبقى نبرة صوتك تعلى درجة واحده بالكتيييييير انتى زوجه مؤدبه بتخاف على بيتها ما بالك بقى باللى بتتكلم فى التليفون الصوت ينزل درجه عن النبره الاسايه وانتى بتتكلمى معاه فى التليفون ينزل 3 درجات كمان ولو تعرفى تخليه اعلى من الصفر بنص درجه تبقى انتى كده تمام علشان ده يخليه مستمتع بكلامك وف نفس الوقت محدش يسمعكو



    حماااااااااااتى انا اللى جبت اعلى حاجه

    مش عاوزه واحده تغش انا قولت اهو

    يارب اعجبك بقى



    يا حلاوة يا ولاد ده انا ابنى حيتظبط
    هههههههههههههههه
    ماشاء الله فعلا طعتى معظم الاخطاء بس ليا تعليقين
    الاول حكايه ابصله واسبله كل شويه دى مش حتنفع انا بتكلم فى الواقع ومفيش اتنين حيفضلوا يبصوا لبعض طول الوقت كدا
    الا اذا كان مسافر واجاى اجازة ومسافر تانى فرصه يشبعوا من بعض

    انما الحركه دى تتعمل كل فترة عشان ميزهقش لازم يا جماعه الاعتدال فى التعامل معاه لا تدلقي اووووووى ولا تتمنعى اوى

    تانى حاجه
    لما يدخل ينام ادخلى معاه قدر ما تستطيعى الراجل لما بيجي ينام يحب يحس بحنان الام
    عارفه الطفل لما يتعب ولا يزهق تلاقيه يروح لحضن امه يشتكى وينام
    خليكى امه اللى بيحب يتكلم معاها ويفضفض عن اللى جواه
    ادخلى جنبه وهو حينام قوليله ارتاح شويه انت شكلك تعان مثلا
    او انت بتعب اوى فى الشغل ارتاح ربنا يديلك الصحه ويخليك ليا
    وخلى الدعاء ليه دايما على لسانك
    واقعدى جنبه شويه وهو بينام لحد ما يروح فى النوم وبوسه خفيف وقومى مارسي حياتك بقياغسلي المواعين شيلي مكان الاكل
    اعلى حاجه اشربيها شوفى اولادك محتاجين حاجة

    تمام

    دلوقتى حنتكلم عن اللبس طول اليوم فى البيت
    نفيسه
    بتنام بايه
    الجلبيه او ممكن البيجامه والشراب والايشارب وممكن بنطلون تحت الجلبيه كمان
    وفى الشتا بقي والدنيا برد ولازم تلبس الدولاب كله وعلى ما تصحى من النوم يكون الايشارب طار والشعر الزمبلك هاش وماش وكل شعره معموله بمنقاش ههههههههههههههههههه
    يجى محمود يا عين امه يبص جنبه يلاقي ام الشعور هههههههههههههههه
    الراجل يا عين امه بيغطيها وينام عشان الكوابيس
    لا كمان ايه مع الموسيقي التصويريه للنوم والاحلام خخخخخخخخخخخخخخخخخخخخخخخخووخخخخخخىىىىىخاااااا
    هههههههههههههه

    تصحى من النوم بنفس الجلبيه تنضف البيت وتعمل الاكل ويروح ويرجع يلاقيها بيها
    تغسل المواعين وتخلص والحمد لله تقرر تغيرها
    حتلبس ايه
    تخيلوا بقي نفسيه لما تحن على نفسها وتغيير تلبس ايه
    حتلبس جلبية تانيه
    هههههههههههههههه
    ماهى نفيسه بقي

    وكل يوم فى نفس الموال واللى الراجل يشوفه الصبح يشوفه بليل
    تيجى نفسيه ليلة الخميس

    وتدعك رجليها بطوبه
    وتحط فى شعرها جاز
    حوده
    حووووده يا حبيبي
    انت يا راجل
    متقوم تكلمنى
    خخخخخخخخخخخخ
    هىهى
    انت عاوز تفهمنى انك نمت يعنى قوم متستعبطش اطلع من الحركات دول دانا لابسالك الحته اللى بتحبها يا راجل
    خخخخخخخخخخخخخخخ
    يعنى ايه مش حتقوم

    بسسسسسسسسسسسسسس
    وتيجى تكتب موضوع فى استشارات زوجيه
    حنقف هنا ونشوف هريسه ونكمل نوع تانى من نفيسه



    حنضوف بقي هريسه جارت نفيسه بتعمل ايه
    مش هريسه انا عشان محدش يفهمنى غلطهههههههههههههههههههه
    بتصحى الصبح تاخد شاور سرررررررررريع جدا يدوب بس تنزل عرق النوم
    تلبس بجامه بنوتاتى كدا برمود او شورت اى حاجه
    وتصحى بعلها وتكون حاطه البرنس فى الحمام على ما ياخد الشاور يفطروا ينزل تلبس اى حاجه من عندها مش بتحب تقعد بيها مع جوزها
    تغسل بقي تطبخ تنضف
    بعد ما تخلص وقبل ما يجى تاخد شاور عشان الروايح
    وتلبس بقي حاجه تانيه حلوة
    مرة ليج على بادى
    مرة بادى على برمودة جينز او شورت مدلع كدا
    ممكن طقم خروج من بتاع البنات الموزز على راي البت اللى متابعانا دى ومعرفش اسمها ايه ههههههههههههه قلبي معاك
    موضوعها حلو حجيبهلكم تشوفوه

    وتيجى بلي بقي
    هدوم النوم
    لازم تنام بحاجة انوثه اوى
    عمرها ما تنام بالشراب والبناطيل
    ولا الاشارب زى نفيسه
    اللانجير والبيبي دول واطقم النوم متنوعه
    مش لازم يوم الخميس لا ده كل يوم عاجى جدا هى دلوعه وبتحب تدلع نسها فبتنام بحاجه موز موز موز
    والراجل بقي تعبان مش تعبان هو وظروفه
    ملهاش دعوه هى انثي لنفسها مش ليه
    يعنى يوم ما تلبس وهو ميعلقش ولا يقول ايه الحلاوة دى تروح تقلع وتقول انا غلاطنه
    هو ملوش فيه هى بتلبس لنفسها
    فخمتوا ولا موفخمتوا
    ههههههههههههه
    يارب اجعلنا كلنا هريسه
    هههههههههههههههههه

    حنشوف نوع تانى من نفيسه بس مش فى اللبس انما فى ليله الخميس
    هههههههههه
    نفيسه الاول كت خيرها لبست وحطت جاز وطلبت من الراجل
    دى حاجة كويسه نشهد ليها بيها عشان منظلمهاش ونقول مقصره معاه
    هههههههههههههههه
    الست بتتعب برضه يا جماعه

    فى نوع تانى وهو الاسوء اللى بتتكسف من جوزها
    اللى عاوزة وبتقول عيب ومينفعش
    عمرها ما تحسس جوزها انه واحشها ابدا
    ولما يطلبها تقوله انا تعبانه وعاوزة انام انا مقعدتش من الصبح
    والراجل يهزر ويجر كلام
    ودى ولا هنا
    يا نفيسه يا نفوسه يا نفسفس
    ودى فى عالم غير العالم وحجتها انها تعبت طول اليوم مع الولاد

    نو كومنت

    نوع تانى من نفيسه
    جوزها دخل نام وقالها حتنامى وقامت دخلت نامت
    هوووووووب
    اديت للراجل ضهرها
    قام هو كمان مديها ضهره ونايم
    ويوم ورا يوم واسبوع ورا اسبوع وضهرهم فى ضهر بعض
    عمرها ما فكرت تحضن جوزها وهو نايم
    وترجع تقول مش بيحضنى وبيحضن المخده
    خخخخخخخخخخ
    والله شفت موضوع لواحده بتشتكى ان جوزها مش بينام غير والمخده فى حضنه
    طاب مانتى اول من المخده يا ستوته
    هههههههههههههههه

    نوع تانى من نفيسه
    اول ما تولد جوزها يترمى على الكنبه عشان تعرف تنام هى والبيبي
    والايام تجر بعضها برضه والراجل يتعود على كدا تيجى تقوله وحشتنى فى يوم يقولها انا تعبان وعاوز انام اروح الحق الكنبه
    وبرررررررضه تيجى تعيط

    تفتكروا جوز كل واحده من دول حيعمل ايه
    لو راج عادى مش من النوع اللى بيتقي الله
    ايه يكون تصرفه فى الحالات دى
    وكل دى انواع جايين يشتكوا من ازواجهم بتقصيرهم فى العلاقه وان مفيش رومانسيه والحب راح واه واوه واعااااااا
    طيب مين الغلطان
    صراحة يا ست هريسة هانم نفيسة كده ملهاش حق خالص مالص وعايزة كرسى فى دماغها هههههههههههههههههههههه
    بس فعلا فى ناس كده بتكسف وبتعمل كده وحياتهم للاسف بتنهار




    اه لا والمصيبه بقي
    ست تعرف ان جوزها بيحب الرقص
    وطول اليوم مشغل قناة التت والرقاصات ويقولها ارقصياي تقول بتكسف
    نعععععععععععمممممممممممممم
    بتتكسفي ليه
    تقولك اصله بيبقي مركز معايا اوى وانا برقص
    طب وفيها ايه يا حبيبتى
    لا ميركزش معايا انا بتلغبط واتكسف ومش راقصه تانى
    يا حلاااااااااوة
    وترجع تقول بيتفرج على التت
    مانتى اللى اجبرتيه لما رفضتى
    ولو مطلبش
    فيها ايه لو جيتى فى يوم جبتى عباه من بتوع نانسي وروحتى جبتى حلق كبير وخلخال وغوايش ولبستى وعملت ليله على واحده ونص
    حتخسري ولا تكسبي


    بسم الله والصلاة والسلام على رسول الله

    منقوله للعلم




  • #2
    هههههههههههههههههه
    لا فرشت برا ولا جوه
    والصحيان الصبح بيسمع الجيران
    يا حسسسسسسن
    اصحى بقى خلاص
    اخرر مره اجيلك
    دى تالت مره
    تقوم تقوم
    ولا عنك ما قومت
    هو كان الشغل يعنى بتاع ابويا
    مش كل ليله سهران لوش الصبح
    وافضل انا طول النهار رايحه جايه اصحى فيك
    والله بعد كده مانا جايه
    ال يقوم يقوم
    وال ميقومش ان شا الله عنه مقام
    ههههههههههههههههههههههه
    ده برنامج كل يوم مبيتغيرش

    Comment


    • #3
      هههههههههههههه
      كل دة
      حلووووووة
      انا لا هعمل فيها نفيسة ولا هريسة
      انا اولع فيه و ارتااااح
      هههههههههههههه



      لَيس َذَنِبي/ أنَ اَلِعُقُول "صغِيرَة أَمَآم فَهِمِي " !
      وَليَس ذنبهم أَن فَهِمِي صَعب" .!
      كُل مَآ أدُركًه أنّ لي قنَآعَآتَ
      "لآتقِبَل" اَلِقسِمَه\عَلَى 2!
      { .. أنَــآ مـخـتـلـفة.؟ ,’ طَبْعآَ ليس لـ الأفِضَل وَليَسِ لـ اَلأَسِوَء.؟
      ولكني اختلف.. },’ ,,,,,

      Comment


      • #4
        حسن اظن كلنا كنا تعبين ابهاتنا
        ههههههههههههههههه
        اسعدنى وجودك فى موضوعى
        وسعدت اكتر بردك الاجمل والاروع
        دائما وجودك يضيف جمالا لموضوعي
        دمت بالف خير



        Comment


        • #5
          كلمات
          ربنا يستر عليه
          باين عليكى مندوبه داعش
          ههههههههههههههههههه
          اسعدنى وجودك فى موضوعى
          وسعدت اكتر بردك الاجمل والاروع
          دائما وجودك يضيف جمالا لموضوعي
          دمتى بالف خير



          Comment


          • #6
            امجد انت بتجيب الحوارات دى منين وازاى
            ومين نفيسه وهريسه دول
            من لله يامجد
            ههههههههههههههههه

            Comment


            • #7
              شمس
              ههههههههههههههه
              اسعدنى وجودك فى موضوعى
              وسعدت اكتر بردك الاجمل والاروع
              دائما وجودك يضيف جمالا لموضوعي
              دمتى بالف خير




              Comment


              • #8
                والله ده موضوع يمكن نعمل منه بحث او مرجعيه نرجع اليها وقت الحاجه
                دائما مبدع ياامجد
                تحياتى

                Comment


                • #9
                  هههههههه


                  يعطيك الف الف عافيه

                  موضوع رااائع

                  وجهود أروع

                  ننتظر مزيدكم

                  بشوووق




                  دعـــ آنـــوثـــتي تُمـــارس طـــقـــوســـهــاღ
                  أنــــا امـــــــــــرأه ~♥
                  نصــــــف وزنــــي كبـريـــــــــــاء ~♥
                  والنصـــــف الآخــــر شمــــــــوخ ~♥
                  ســــاذجٌ أنــــت إن اعتقـــدتَ أنّـــك ملكتنــــي ..؛
                  فمفاتيــــح قلبـــي بيــدي ..؛ أنــا من أعـــطاك اياهـــا ..؛
                  وأنـــا من يستردهــــا . ,,,
                  فلســـت ممـــن يرضيــــن بأنصــاف الحلــــــول

                  Comment


                  • #10
                    ههههههههههههههههههه

                    طيب ياسى محمود ااقصد ياسى امجد

                    ياريت كده توصف لنا محمود نفسه عامل ازاى وهو نايم ولا وهو خارج من الحمام

                    ولا وهو بياكل ولا وهو بيصحى المدام بس خليك عادل فى حكمك

                    هههههههههههه


                    تسلم ع الموضوع الجميل

                    كالعاده اختياراتك مميزه



                    [flash1=http://store2.up-00.com/2017-01/1484098223941.jpg]WIDTH=700 HEIGHT=450[/flash1]



                    Comment


                    • #11
                      محمد
                      بفكر فعلا فى موضوع البحث
                      ههههههههههههههه
                      اسعدنى وجودك فى موضوعى
                      وسعدت اكتر بردك الاجمل والاروع
                      دائما وجودك يضيف جمالا لموضوعي
                      دمت بالف خير




                      Comment


                      • #12
                        مناااال
                        ههههههههههههههه
                        اسعدنى وجودك فى موضوعى
                        وسعدت اكتر بردك الاجمل والاروع
                        دائما وجودك يضيف جمالا لموضوعي
                        دمتى بالف خير




                        Comment


                        • #13
                          اقتباس:
                          الكاتب : غنوة




                          ههههههههههههههههههه

                          طيب ياسى محمود ااقصد ياسى امجد

                          ياريت كده توصف لنا محمود نفسه عامل ازاى وهو نايم ولا وهو خارج من الحمام

                          ولا وهو بياكل ولا وهو بيصحى المدام بس خليك عادل فى حكمك

                          هههههههههههه


                          تسلم ع الموضوع الجميل

                          كالعاده اختياراتك مميزه




                          اول مايصحى محمود
                          هاقوله يدخل يوصفلك شكله وهو نايم
                          وهو خارج من الحمام وهو بياكل كمان

                          ههههههههههههههه

                          اسعدنى وجودك فى موضوعى
                          وسعدت اكتر بردك الاجمل والاروع
                          دائما وجودك يضيف جمالا لموضوعي
                          دمتى بالف خير




                          Comment

                          Working...
                          X