يا قلب لو بتتكلم كنت حكيت اللى فيك

لساك بتدق برغم الشروخ اللى فيك

كلك جروح ...وبرغم ذلك مش بتبوح

جرح من الصاحب و جرح من الروح

بس الندم مبقاش يفيد

العقل رافض اى فكره فى الحياه

الروح دابت من كتر ما اتملكتها اللامبالاه

الشمس غابت لما انتهى عقد السلام

دى الضحكه راحت وسابتلنا الهم والاحزان

يا كمنجة البكا رجعتينى لماضى فات

وترك لحن الذكرى وكإنها من لحظات

وبرغم بكاكى انا ضحكت من الذكريات

وقولت ياااااه لو ارجع لأيام زمان

كانت ايام جميله ......كانت الحياه بسيطه

كنت بحب اوى لمة العيله

مكانش فيه غير حب و طيبه

دلوقتى مستغربين ومش حاسين الحب اللى كان فى ايدينا

زمان....زمان كانو اصحابى بيحبوا الخير لبعض

لو حد وقع الكل يسند كانوا الضهر

كانت الضحكه من القلب

ومفيش دمعه على الخد

كنا ايد واحده ....ومبيقفش فى طريقنا اى صعب